MERENDAS SAUDABLES!

A continuación deixámosvos as ricas e saudables merendas que os nenos de catro anos de Educación Infantil recrearon con plastilina  ou mediante debuxos:

Todas elas son súper orixinais! Un aplauso para os nosos chefs!

XOGANDO APRENDEMOS A COIDARNOS

Profesores e alumnos estamos preparados para poñernos en marcha e comezar a seguir os bos consellos que o Doutor Valentín Fuster nos recomenda para  adquirir hábitos saudables e lograr unha unha boa calidade de vida.

Ao longo deste curso os nosos nenos realizarán seis divertidas actividades para aprender a estar sans e fortes. Aprenderán a realizar unha merenda rica e saudable, coñecer o seu corpo, a importancia de descansar, a importancia da actividade física, o desenvolvemento da autoestima e control das emocións.

Ademáis, os máis pequenos, terán a responsabilidade de coidar do noso amigo Cardio, sendo responsable del cada neno da clase durante unha semana. Os cativos e as súas familias deberán tomar nota nunha libreta das aventuras e actividades que realizan con Cardio formando así un gran Diario no que se recollan as experiencias vividas ao longo do curso. Non dubidedes de que se vos informará das peripecias que viva Cardio!

 Esta semana, os nenos de catro anos do noso cole realizarán a actividade COCIÑAMOS UNHA MERENDA RICA E SAUDABLE. Según o Dr. Valentín Fuster a mellor forma de que os nenos e nenas proben novos alimentos é permitíndolles que colaboren na elaboración dos pratos, por elo, para lograr unha alimentación variada e equilibrada, nesta actividade anímase a que pais e fillos realicen, de maneira conxunta, unha rica e saudable merenda. Despois de desfrutar do delicioso prato deberán reproducilo con plastilina para poder levalo á aula e explicarlle ao resto dos seus compañeiros en que consistíu. 

 Esperamos con impaciencia descubrir e mostrar os orixinais e exquisitos manjares que os nosos pequenos chefs cociñarán!!

SEGUIMOS APRENDEDO CO PROGRAMA SI!

Despois da gran acollida por parte das familias e alumnos do Programa SI! o curso pasado, este ano non queríamos que os nosos nenos se perderan os divertidos consellos e actividades que o Doutor Valentín Fuster nos ofrece. 

 Recordamos que este programa ten o seu nacemento a través da Fundación SHE (Fundation for Science, Health and Education), creada polo Doutor Valentín Fuster co obxetivo de impulsar, mediante a educación, a adquisición de hábitos de vida saudable dende a infancia e, así, promover xóvenes e adultos que teñan a capacidade de actuar positivamente respecto a súa saúde. Pretende disminuír or riscos das enfermidades cardiovasculares nos nosos nenos, mellorar a saúde dos máis pequenos a longo prazo e proporcionarlles unha vida adulta de calidade.

 Seguindo unha visión global de promoción da saúde, o programa incide en catro compoñentes básicos interrelacionándoos entre sí: alimentación saludable, actividade física, coñecemento do corpo e do corazón e prevención de adiccións e consumo de substancias extrañas (tabaco, drogas...). Para lograr todo isto, distingue catro tipos de destinatarios ou participantes: os alumnos (3 a 16 anos), as familias, o profesorado e ambiente escolar (comedor, oferta de actividades extraescolares). Todos eles, realizarán variadas actividades e xogos na casa, nas aulas, a través da páxina web... sempre adaptadas ás diversas etapas escolares, así coma, sesións informativas e conferencias de expertos mediante as cales lograrán interiorizar os pasos básicos para acadar unha boa calidade de vida.

Todo o Colexio Divina Pastora estamos dispostos a participar e deixarnos aconsellar polo Doutor Valentín Fuster para ser fortes e sans outro ano máis!!

COCIÑAMOS UN ALMORZO RICO E SAUDABLE!

Os nenos do Colexio Plurilungüe Divina Pastora Franciscanas de Ourense queren saber o que é unha dieta variada. Para explicarllo os profes e o Programa Sí! pensamos que poderían comprender o seu significado a través do concepto Comer cores. Ademáis, á hora de falar de alimentación os nenos tamén se decataron da gran importancia que teñen o almorzo e as froitas e do divertido que é cociñar e probar cousas novas, xa que, está comprobado que a forma máis eficaz de que os rapaces e rapazas proben novos alimentostos é permitirlles que colaboren na elaboración dos pratos.

Por esto, propúxose a actividade  "¿Que almorzamos?", a través da cal os rapaces axudados polas súas familias participan na elaboración dun almorzo. Pero este almorzo non pode ser un almorzo calquera, senón que ten caracterizarse por ser colorido, completo e saudable, por exemplo batidos de frutas, tostadas con aceite, tortitas integrais con fresas ou kiwis... Unha vez teñan pensado o que queren facer chega o momento de reproducilo con plastilina ou mediante un debuxo.

Aquí están algúns dos almorzos saudables e coloridos que fixeron os nenos cas súas familias!!

MOVÉMONOS XOGANDO

Aos nenos do Colexio Plurilingüe Divina Pastora Franciscanas de Ourense impórtalle moito a súa saude xa que queren ser rapaces fortes e sans. Por este motivo traballaron acerca da importancia da práctica de actividade física diaria e dunha boa hixiene persoal. 

A actividade física pode realizarse case en calquera momento do día, e na infacia realízase principalmente a través do xogo.O Programa Sí! e os profes, consideramos que a adquisición de hábitos de actividade física e hixiene son clave para levar un estilo de vida saudábel en idades futuras, que favorezan a unha maior calidade de vida.

Para conseguilo, os nenos de Infantil traballaron en familia na acticvidade chamada "Xogos de sempre". Esta actividade consistía en pasar un rato divertido en familia mediante xogos tradicionais que precisasen realizar actividade física. Despois os nenos tomarían unha foto ou realizarían un debuxo daquel xogo que máis lle gustase.

Aquí están algunhos dos debuxos e fotos que os nenos realizaron cas súas familias!

Fotos visita Cardio

Como xa anunciamos o venres, Cardio visitou o noso Centro para patinar e bailar cos alumnos/as de Educación Infantil e cos alumnos/as de 1º de Educación Primaria.

Deixámosvos algunhas das instantáneas da visita

    


    


        


 

 

 

 

 

Cardio visita hoxe o cole!!!

Hoxe pola mañá contamos coa visita do noso amigo Cardio. Con el, os alumnos de Educación Infantil e primeiro curso de Educación Primaria,  divertímonos cantando e bailando.

Mural realizado por alumnos de 5 anos de Infantil

O alumnado de Educación Infantil realizou este mural seguindo os consellos do Doutor Fuster

Semana da Saúde

"BARRIO SÉSAMO: MONSTRUOS SUPERSANOS"

A Fundación SHE desenvolveu co apoio da Fundación Daniel e Nina Carasso, unha nova serie de TV para promover hábitos saudables entre os mais pequenos.

Cunha combinación de educación e entretemento, os simpáticos Muppets Elmo, Monstruo de las Galletas, Coco, Blas, Epi, Rosita e un novo personaxe chamado Dr. Ruster, Barrio Sésamo: Monstruos Supersanos difundirá mensaxes educativas positivas sobre os alimentos mais beneficiosos para o corpo e o corazón, a práctica de exercicio físico, a xestión das emocións e o coñecemento sobre o funcionamento do corpo e as señais que este nos manda.

O Dr. Fuster e o Dr. Ruster

Para mais información visite o enlace.

ACTIVIDADE SEMANA DA SAÚDE

Durante a semana do 6 ao 10 de Maio os alumnos e alumnas de Ed. Infantil celebraron a Semana da Saúde, promovida polo programa de saúde integral "Programa Si" considerado un Proxecto de Innovación polo que o noso Centro aposta por ser básica unha boa alimentación para un óptimo rendemento académico e unha actitude positiva ante a vida para disfrutala intensamente e de forma saudable.

Ao longo de toda a semana os nenos/as participaron nunha gran variedade de actividades destinadas a crear neles hábitos de vida saudables que poidan contribuir a unha saúde cardiovascular e a unha boa calidade de vida.

Entre as actividades que se realizaron destacan:

• Almorzos saudables.
• Visita á horta interxeneracional.
• Realización dun obradoiro de elaboración de pan.
• Obradoiro de froita.

¡E como non! Visitounos "Cardio", a tan esperada mascota do programa SHE, veu unha tarde ao colexio a coñecernos e xogar activamente cos nenos.

Para ver as imaxes da visita pincha aquí.

CONSELLOS PARA UNHA BOA SAÚDE

Levar a cabo un estilo de vida saudable, tanto os adultos como os mais pequenos, implica levar unha dieta equilibrada, rica en froitas e verduras, practicar actividade física a cotío, coidar e coñecer o noso corpo, e coñecer e xestionar de maneira axeitada as nosas emocións. 

Estes catro pilares fundamentais son os que traballamos, levando a cabo Unidades Didácticas, realizando xogos para aprender a identificar e xestionar as súas emocións, contando contos, celebrando a Semana da Saúde, así que … póndevos en marcha e coidade moito ao voso cardio, que co tempo, volo agradecerá.

¡Saúde!

HIPÓTESE E COMPOÑENTES BÁSICOS DO PROGRAMA

O Programa SI! nace da vontade do Dr. Valentín Fuster de difundir entre a sociedade hábitos de vida saudables que poidan contribuir a unha saúde cardiovascular e a unha boa calidade de vida.

Hipótese: “A adquisición de hábitos saudables dende a infancia reduce os riscos da enfermidade cardiovascular e mellora a calidade de vida na idade adulta”.

Esta hipótese desenvólvese a través dun programa de intervención escolar, que unha vez implantado en todos os niveis educativos – infantil, primaria e secundaria – debería incidir no coñecemento, actitudes e hábitos respecto á saúde dos escolares, as súas familias e o profesorado.

O principal factor de risco cardiovascular, tanto en adultos como en idade infantil, é a obesidade e os seus factores asociados como a diabete e a hipertensión, fruto dunha alimentación insá e de uns baixos niveis de actividade física. Ademais, outros factores de risco das enfermidades cardiovasculares, tipicamente estudados en poboacións adultas, tamén comezan a estar presentes na poboación infantil española.

Tendo en conta os factores principais de risco cardiovascular, e seguindo unha visión global de promoción da saúde (Saúde Integral) que vai más alá da prevención da obesidade, o Programa SI! incide en catro compoñentes básicos e interrelacionados entre si:

• Adquisición de hábitos de alimentación saudable.
• Desenvolvemento da actividade física.
• Coñecemento do funcionamiento do corpo e do corazón.
• Xestió das emocións e fomento da responsabilidade social como factores de proteción fronte ás adicións e ao consumo de substancias estrañas para o organismo (tabaco, alcol e drogas).

Estes eixes básicos están intimamente ligados co desenvolvemento da persoa polo que o Programa SI! tamén pretende provir ao individuo, coas habilidades e valores necesarios que permitan ao neno e ao xove actuar positivamente respecto a súa saúde durante toda a vida.

Para mais información preme aquí

DESCRICIÓN DO PROGRAMA

NO SEGUINTE VÍDEO O DOUTOR VALENTÍN FUSTER EXPLICA EN QUÉ CONSISTE O PROGRAMA SI!

Como ben sabedes, na actualidade a enfermidade cardiovascular continúa sendo a principal causa de morte no mundo. Os factores de risco cardiovascular preséntanse cada vez a unha idade mais temperá, facendo que as actividades preventivas e de promoción da saúde se focalicen na infancia. Numerosos estudos demostran que estes factores pódense combater nos nenos mediante intervencións escolares. Ao mesmo tempo, os datos demostran que existe unha persistencia dos estilos de vida pouco saudables (sedentarismo, consumo de tabaco, etc.) que comezan na infancia e se perpetúan ata a vida adulta. Por todo isto unha das principais medidas de prevención é actuar dende a infancia e así lograr que se adopten hábitos de vida saudables que permitan o desenvolvemento dunha vida sá e plena.

A Fundación SHE (Science, Health and Education) desenvolveu o Programa SI! baixo o convencemento de que a mellor maneira de prever a enfermidade cardiovascular e mellorar a calidade de vida nas persoas adultas é a prevención dos seus factores de risco grazas á adquisición de hábitos de vida saudable. Educando non só en coñecementos, senón en valores e actitudes de respecto á saúde, como fundamentos básicos para a adquisición de condutas saudables que perduren durante toda a vida.

Na páxina seguinte podedes atopar mais información: 

http://si.fundacionshe.org/portal/Lang!es-S/0/DesktopDefault.aspx